27-1-2005

係呢個moment…我忍唔住, 我個頭要爆啦……
如果時間等於金錢, 我用時間讀書 => 讀書可以賺錢
一生人有好多時間 => 一生人可以賺好多錢
人生為左賺錢 => 人生為左時間
其實個個人都好錢, 何必為錢而煩惱
把握自己的時間, 你明嗎

good teammates 

25, 26-1-2005

話說前晚太夜走……返到home再要整野…咁就3:xx am先sleep, 好攰…今朝仲要返845am…出門late左, 846am先返到中大….ooo….咁就計我遲到…終於明白 “遲一秒就係遲左” 的道理。之後一直上堂…恐怖星期二…
唉! 今日又記錯野…以為400pm做物理治療, 去到唔見我名…唔係…原來我個名係1130am個time-slot到……ooo……我要走堂先做到物理治療, 而家去到又冇得做…….原本full day booking就有少少時間出左黎, 咁打電話比tuntun傾返join 突破福音營的事, 今次係我第一次 “say no”!!! 嗯, 我知道自己做緊咩ge, 來日方長, 要補捉最好時間!
呢次要一次寫晒兩日日記, 哈哈哈…因為通宵整robotcon, 整到個人都十十地……同埋病左……我諗係之前一晚跑去火車站凍到病左…一日到黑流鼻水, 四肢酸軟……好攰……係好辛苦…但唔怕, 係香港咁幸福ge地方, 捱一捱都抵, 我要學習中國女性耐勞, 吃苦不喊苦!!
到左26日朝, yeah~~~搞掂~ 做好晒所有野, ar金有渣車返中大, 咁就齊齊happy, 落沙田食個早餐先~ yes, 太開心la!!! 之後ar金車我地個個返home, 訓左兩個鐘……又要返中大比賽la~~ 到左真正比賽, demo 好掂~ 咁多隊之中唯一一組用automation machine放到波, 贏得全場掌聲~~到最後win左第一名~~~好開心~~~第一次贏d咁ge獎~ 多謝好teammates叉倫, ar金,ar sam, 光頭仔, 智仔, 大家努力左咁耐終於有成果la~~ 同志們, 革命尚未成功, 同志仍需努力~ “當初參加得就唔好放棄”
走到旅程的最後, 有夾帶的歡呼聲, 迎面向我地喝采!

24-1-2005

今日下午返學上中國文化, 曾傑成, 都係咁笑, 係咁聽故仔, 你話日日咁上堂幾好呢~! 跟住就整robotcon, 因為星期三就internal section, 同中大各路高手過招, 有dd緊張~
整robot整到深夜12:3x am, oops, 就過最尾o個班火車, ar金, sam 同我即刻由賤bulid二期跑落去火車站, 索晒氣……平時大約15mins路程, 加上有上有落咁, 成程怒奔係愚蠢ge做法, 加上我隻腳跛跛地, 都係係中間休息下, 慢慢來……誰知去到肉眼能見到火車時, 就見到最尾o個班車已經埋緊站……都係要怒奔……更加意想不到的係ar sam 八達通負錢, 櫃台off左, 賣票同增值機都off埋……但我同ar金都入左閘, oooo~~ 佢搭唔到…….我同ar金頂住度門都頂唔到, 火車月台台長好串咁同我地講 “喂!你地係咪玩野先, 再玩野我就叫差人ga la!!”……what we can do only is say bye bye to sam………..oops…就係幾秒……

23-1-2005

雖然都係冇$$ 收, 但都係第一次去人地屋企作牟利補習。個細路真係好醒目, 一d我expect佢唔識既問題, 佢居然識答, 而且有文有路, 我見過咁多細路之中, 睇怕佢都係最醒o個個。勁~
今日去左ar sam home, 佢住個到都真係好靚, 佢屋企隻猫好得意, 初時隻猫見到我, 就搵地方窿, 怕左我咁, 但係冇耐又走黎”裝”我, 哈哈哈, 之後我望下佢, 我陏o個陣又走開, 嚇親佢, 好得意a~~
睇左21grams, 唔係好知佢講乜, 大概令我地反思生命的無常, 道得上ge荒謬。呢集野要用好多心力去睇, 因為d片既時間飛黎飛去, 發生某事的前後係可以掉黎掉去咁比觀眾睇ga……不過都好有漲力, 睇到都幾入神, 故事都估計唔到係咁ge, 睇完都好tired……仲係三級的……

22-1-2005

今日係我係Dawn Youth 帶第三次worship, 練o個時都已經覺得好好, 好感覺到主的聲音, 我要認清我的目標!!! 自己把聲真係好左好多, 起碼比起之前!! 而家C key冇乜問題~~yeah~之前勁走音~哈哈~ 今日都提醒我唔好照自的意願去做事, 要留一些空間比神。

腓3: 13-14
13 弟兄們、我不是以為自己已經得著了．我只有一件事、就是忘記背後努力面前的、
14 向著標竿直跑、要得　神在基督耶穌裏從上面召我來得的獎賞。
箴3: 5-6
5 你要專心仰賴耶和華、不可倚靠自己的聰明‧
6 在你一切所行的事上、都要認定他、他必指引你的路