18-2-2005

近來讀多左課外書, 而家睇”新領袖DNA”, 個名好似好cheap咁, 但其實內容好精彩, 不是太單方面講領袖, 反而好多論證過程, 和好多reference, 好似論文咁。講的大約是從歷史到現代領袖的特質, 並推展未來的領袖DNA, 唔同理念的思想、看法共冶一爐, 百花齊放, 幾好幾好~

ps記念潘霍華! 潘霍華一生抱存信念, 身體力行, 更是一名天才, 早早完成論文, 成績斐然, 一心成為教授和牧師, 教人認識真理。 可惜生不逢時, 正是盛行大德國主義, 爆發二次大戰中。德軍納粹黨排斥、屠殺猶太人, 他一人獨自反對……反排斥、歧視……呼籲基督徒齊力反納粹黨…可是在軍火充裕下沒什麼人支持他……他選擇參與暗殺希特勒行動, 失敗被捕, 在獄中被判死刑, 他死後四星期德軍投降。

新年holiday 8/2-14/2

有7日假期咁多多, 用左一晚同中學同學去行維園花市, 我都係第一次新年其間去行, 好多人, 好迫, 但好多野睇、買~ 順手支持我家姊~!
今年都係返左大陸, 年初一去到年初三, 返大陸勁有新年氣氛, 同好多親人係o個邊, 雖然唔係識好多人, 但見到ma咪個個都傾到計, 就知ma咪幾開心la~
返大陸又點可以唔玩烟花, 係維港迫下迫下咁睇人放, 不如自己放la, 同肥豚(表弟)買左少少烟花過下手瘾, 仲拍左video, 勁低能, 但係好開心law, 變返細路仔咁~見到我侄女恩恩好得意, 幾歲咁, 剛剛識講野, 成日叫我地”狗狗”(舅舅), 把聲細細個, 塊面又肥dodo咁, 扎孖邊, 好好好得意, 特別係笑起上黎o個時, 話佢有個肚腩仔, 佢話”唔係a~係BB, 我有BB” 哈哈哈哈哈~~~~~~
係大陸食左人生第一煲田雞粥, 都算突破la卦, 出黎o個日同表哥同表弟去左書城,一路行,一路傾計,同佢地傾計好多新見聞~正~

返黎香港又要做功課……
朱總: 十三億中國人的小問題, 都會變成中國的大問題!!!
我話: 每一主修科的一份功課, 都會變成學生的大工程…

ps 好like同表弟傾計傾到4,5點~